Kaupapa: Softball

Ka whakaoho anō te tāwhainga o Tāmaki ki Te Awakairangi

Te Kāea
  • Te Whanganui-ā-Tara

Ka tūtaki anō ngā tāwhai o te ao ki te whakataetae Poiuka toa a ngā karapu tāne, ki Te Awakairangi. Ko te kapa o Tāmaki Makaurau tērā i hinga i a Te Awakairangi i ngā whakataetae ā-motu, me te aha, ināianei he utu te whai.

He manawareka te turaki i ngā kapa nō te haukāinga mō ēnei kaitākaro, kua neke whakamua nei rātou.

Nā Thomas Enoka, ahakoa i manawapōuri atu i taua wā, ka haere tonu ngā mahi, ka anga whakamua te titiro.

Ko te iwi kāinga, ko Hutt Valley Dodgers tērā e noho makau ana, ko te matapae ka werohia ngā whakihuwaka e rātou.  Nō te whiringa toa o tērā tau tūraki ai a Auckland United i te kapa Dodgers.

Hei tā Kallan Compain, he kapa nanakia tonu rātou.

Ko Compain tētahi o ngā kaitākaro Black Sox. Nō tērā tau, i whakawhiwhia ia ki te tohu kaitākaro o te tōnamana, ki Ōtautahi.

I te tukinga tuatahi, i turaki rātou i a Hutt City e iwa ngā tatau ki te rua. Ahakoa i toa, me pukumahi ka tika.

Tōna tikanga ka heke te ua ki Te Awakairangi, nō reira, ki te aukatia, ki te pāuhutia rānei, he whakahirahira te wikitōria i ngā kēmu tuatahi.