Ka whakanuia te huritau 20 e te ohu Poikōpiko Māori

Tamati Tiananga

I whakanui te rōpū Poikōpiko Māori i tōna huritau rua tekau tau i tētahi whakataetae i tū ki Manurewa i ngā rangi tata, he whakataetae i tae atu ai te hunga tautōhito, tauhōu hoki.

Mō tētahi kuia, he whitu tekau mā whā tau te pakeke, he whakawaiwai mō te tōnamana ā-ao mā ngāi tūnohunohu hei te tau e heke mai nei te whāinga.

Nō te Whiringa-ā-Nuku o te tau kotahi mano iwa rau, iwa tekau mā toru i whakatūwheratia ai te whakataetae nei e Koro Wetere.

Ko tā Hone Te Pania, he whakamihi atu ki ērā o ngā kaitākaro kua whetūrangitia.

I ngā tau kua puta he tino toa i te tōnamana nei, nō te tau kotahi mano, iwa rau whitu tekau i tākaro tuatahi a Phyllis Hoiti i te poikōpiko, I puta anō ia hei toki mō Aotearoa ki tētahi whakataetae nui i Ahitereiria.

Hei te Poutūterangi, ka piu anō te patu a Phyllis ki te taumāhekeheke kaumātua o te ao ki Te Raki Paewhenua, ka puta ia ki te reanga whitu tekau mā rima tau te kaumātuatanga.

Nā te tautoko o ngā mokopuna a Phyllis, ki te tākaro ki tōna taha, kua whai wāhi atu te kuia nei ki te kapa Manukau Whānui.

He hononga tā te tōnamana Māori nei ki tini kaupeka puta noa, ko Waipareira tētahi, kua roa te koroua nei a Wiremu Tangariki e tākaro ana.

Otira mō te hunga e hiakai atu ana ki te tākaro nei, tēnā e uru hei te tau e tū mai nei.

Mō ētahi atu pārongo mō te kaupapa nei, anei te arahono.