Kaupapa: Rugby League

Ka whakanuia ngā toki rīki o tamaki ki Ngā Tohu Rīki o Ākarana

  • Tāmaki Makaurau

Ko te poutoko ō-mua o te kapa rīki māori o Aotearoa, ko Cody Walker tētahi i whakanuia i Ngā Tohu Rīki o Ākarana inapō.

Tekau mā toru ngā taonga i tōhua ki ngā tino pūkenga o te tau takaro rua mano, tekau mā whā, oti atu ana ki te kai-tākaro toa o te tau i te whakataetae Fox Memorial.

I whakanuia ko ngā kaiāwhina me ngā kaiwawao, ko ngā ika tauhou me ngā ika a whiro o ngā whakataetae Phelan, Sharman me Fox Memorial.

Ki te whakataetae Fox Memorial, ko te kaiwhana o te tau ko Cody Walker nō te kapa Mt Albert, e iwa tekau ana whana i te tau tākaro nei, ā, ko te kaiwhiwhi piro o te tau ko Siua Otunuku nō te kapa Pt Chev Pirates, e rua tekau mā wha ngā ekenga ki te rārangi piro.

I whakawhiwhi hoki te kapa Pirates i tētahi atu taonga, arā ko te kaiako o te tau.

Ia tau ka tipakohia te kapa o te whakataetae Fox Memorial, ā, e toru ngā kaitākaro i tohua i ngā kapa o Pt Chev me Marist.

Ko te taonga e manakotia ana e te nuinga, ko te kaitakaro Fox Memorial o te tau, a, i whakaingotia ko Dion Snell nō te kapa Howick Hornets ki tēnei honore nui.