Ka whakanui te rima tekau o ngā tau nō te tīmatanga mai o te Mid Northern rodeo

Dean Nathan
  • Te Tai Tokerau

Mai i ngā tōpito o Aotearoa i hui mai ngā kaupoai o te motu ki Maungatapere i tēnei rā ki te whakanui i te rima tekau o ngā tau nō te tīmatanga mai o te Mid Northern rodeo ki Te Taitokerau. 

Ko te Mid Northern Rodeo he wā anō e taea e ngā kaupoai katoa ki te whakaatū mai i o rātou nā pukenga ki te hunga whakawā.

Hei tā Te Orumene Te Wara, “Ehara tonu i te hakinakina noa iho engari he mea hei whakatūhono i te whānau te haerēre haere mai wāhi ki wāhi, ā tino pai.”

I waenganui ia Ngāti Kaupoai mā ko ngā tini tauhou ā tae hoki ki ngā kāwai heke i ngā rongonui o te motu.

E ai ki a Te Manaakitanga Pryor, “Nā te mea ka taea e au ki te eke i ētahi kau me te eke hoiho.  Ka taea e au te mātakitaki i ngā tangata atu anō.”

Mai i tōna timatanga ko te mid-northern rodeo te tauwhainga nui rawa o tōna momo ki tēnei rohe.  Na i tēnei ra kua eke ki tōna tau rima tekau.

I konei ka ngātahi ngā kaiwhakahaere ōmua me ngā mea naianei hei whakanui i te huritau o tēnei tauwhainga.

Ki tā Te Orumene Te Wara, “Ko te mea tino pai te whakatūhono i te kararehe ki te tangata. He pai he pakanga nui. Kia tino ekea, kia tino rawe te eke ka nui haere ngā points.”

Mai i konei ko huri tēnei whakataetae kaupoai ki ngā tauwhainga i roto o Te Waipounamu.