Kaupapa: MMA - Mixed Martial Arts

Ka whakakorengia ngā ārai takiwātangi e te kaiwhawhai nō Te Rarawa

Mā te urunga ki te whakataetae WKA ka whakakorengia ngā ārai e tētahi kaiwhawhai takiwātanga nō Kaitaia.

E toru ngā tau kua whaiwhai a Hikairo Collins, engari kua whakaawetia e ia tōna hapori.

I a patu, i a patu, i a whana, i a whana, ka whakakorea ngā ārai e tēnei tamatāne

“I te timatanga ko te whai hauora, me te ārai te take. Nā taku mātakitaki i a rātou I hiahia au ki te whawhai,” nā Collins.  

E ono ōna tau kua mōhio ia kua pāniga ia e te mate takiwātanga. Mai i te timatanga, kua whakatutuki kē ia ōna whāinga.

E ai ki tōna kaiako, e ai ki a Tahuri Tibble, “Kāore ōna pukenga māori, engari mā tana pukumahi me tana ū ka tutuki.”

Kei te kaha tautoko tōna whānau me āna hoa i tana haerenga ki Paniora. Nā wai rā ka tau te whakāro ki a tōna Māmā a Paula he tino kaha tana tama.

Nā Paula Collins, “Tino ohorere ahau. Kāore au i te whakaaro ka ratau ia ki tea ao whawhai, engari kei te harikoa ahau.”

Kua rite te kaiwhawhai nō Te Rarawa kia tūraki i āna hoariri ki te whakataetae World Unified Champs, ahakoa ko wai, ahakoa nō hea.

Nā Tibble, “Ka mate ururoa mo ake tonu a Hikaro. He rangatira ia mō ngā rangatahi, mō mātou hoki.”

“Kāore au mō te whakāro ki a rātou e whakaiti nei i au nā te me aka tāea e au,” nā Collins.

Hei te Rātapu wehe ai a Hikairo mē ōna hoa nō te kapa Taniwha, hei tērā wiki timata ai tana whawhai tuatahi.