Kua auraki mai te whurupēke a Israel Dagg ki tōna ūkaipo i Te Matau a Māui, i tana wehenga i ngā Ōpango mō ngā wiki e rua. Ka tākaro tahi ia me ōna hoa Mākipae ki te whakataetae ITM, ā, e tumanakohia ana ka piataata mai ia i mua i whakaingoatanga o te tira mō te ipu whutupaoro o te ao.
He kōtahi wiki mai i āna mahi pao, kua waihape mai a Israel Dagg ki tōna kainga hei tuara mā ōna hoa whutupaoro hei ēnei rauna ITM e rua
Kātahi anō te tangata mau pango ka hoki mai i tana mahi kiriata haumaru tangata mō Air NZ. I te kōtahi wiki noa iho, kei kō atu i rua miriona ngā tāngata i mātakitaki atu.
E ai ki a Israel Dagg ‘The body's real good actually knees are good, I had a bit of a niggly calf, which is why I didn't play much super rugby but at the moment it's feeling good. It's gone bloody crazy all over the world, I had people from Singapore ringing me and then CNN, it's pretty crazy it's been in all the papers around the world, it's something I could probably pursue outside of rugby, a bit of rapping or something’
Ko tāna hiahia, kia whai waahi atu ia ki te tira whutupaoro o te ao, hei te toru tekau o tēnei marama ka mōhio ko wai ka tohu, ko tana pikoko nui kia karanga ai rātou i tana ingoa.
‘You want to represent your country especially on the big stage I've been to one and to be able to tell my kids that I've been to two would be pretty awesome but for me I know it's about getting these two weeks right’ ko tōna ki.
Hiranga rawa ēnei wiki e rua ki a Dagg, engari, ahakoa te aha, ka kore rawa ōna hū whutupaoro e mahue, kia mau kē ai ki te hopureo.