Ka whakairihia te hingareti o Boucher

James Perry, Te Kāea

Kua puta i te Tāroaroa Pango, NZ Breaker anō hoki koinei tana whatinga NZNBL whakamutunga.

Kua 25 tau a Boucher, 42 e takaro poitūkohu ngaio nei. 

I tipu ake a Boucher ki Taranaki, ā i hūnuku ia ki ki Tāmaki i te tau 1990. Nō te tau 1994 ka whai wāhi atu ia ki ngā Auckland Stars, i raro i a Tab Baldwin. Kua takaro anō ia mo Harbour Heat, Waikato Titans, Auckland Pirates, Wellington Saints. Kei te kapa Supercity Rangers ia e tākaro, ā moroki nei. E iwa ngā taitara NZNBL kua riro i ā ia i aua kapa,

He Breaker tuturu nei a Boucher. Nō te tau 2003 ia timata ai tae noa ki te tau 2008, ka hūnuku ia ki Perth. Kua noho ia ki ngā Brisbane Bullets, ka hoki mai ia ki ngā Breakers i te tau 2008. E toru ngā taitara ANBL karapīpiti i riro i ā ia i ngā tau 2011-2013, hei tāpiri ki te mea i ā ia i Perth i te tau 2007. 

I uru atu a Boucher ki ngā Tāroaroa Pango i te tau 2001, ā koia tētahi i wehi ai te ao poitūkohu i ngā whakataetae o te ao i te tau 2002 i Indianapolis. USA. I eke rātou ki te tūranga tuawhā. I rītaia ia i ngā Tāroaroa Pango i te tau 2008.

Nō te tau 2013 heke ai ia i ngā Breakers i te tau 2013, mai i taua wā kua noho ia hei hāpai ō, tae rawa ki te tūranga kaiwhakahaere matua. I whai tūranga ia ki te New Zealand Order of Merit, mō ngā mahi poitūkohu te take.

Koinei te whatinga 25, whakamutunga anō hoki mō Boucher. Ka kōre ngā Waitakere Rangers e uru atu ki ngā whiringa whānui, nā e 4 noa iho ngā kēmu e toe ana mō Boucher. Ka huri pū anō tāna titiro ki āna mahi i ngā Breakers, ka mutu te noho ki tōna whānau anō hoki.