Kaupapa: Basketball

Ka whai urunga a Wynyard ki te tira Kentucky Wildcats

Te Kāea, Wikitōria Day
Tai & father Jason Wynyard, 2014 Albie Pryor Supreme Award winners - Photo / Vince Heperi

Kua kōwhiria e te kaitākaro whanake o te kapa poitūkohu Breakers, te kapa pango Tāroaroa hoki a Tai Wynyard (Ngāpuhi, Ngāti Maniapoto Tainui) tōna whare wānanga ki Amerika.

Nō reira, kua whai urunga kē ia ki te tira Kentucky Wildcats a te tau 2016. I kōrero a Te Kāea ki te māmā o Wynyard, ā, hei tāna, kua pūmau te waitohutanga.

Ko ia te kaitākato tuatahi kua whai tūranga ki te kapa Wilcats mō te tau 206, ahakoa ngā tono karahipi ki ngā kapa Villanova, Texas hoki.

Kua tāpiri a Wynyard ki te rārangi o ngā kaitākaro nō Aotearoa kua whiwhi tūranga ki ngā kapa o te whakataetae NBA, pēnei i te uri Māori nei a Steven Adams o te tira Oklahoma City Thunder.

I tērā marama, i whakawhiwhia ki a Tai rāua ko tana pāpā, te kaitope rākau rongonui, a Jason Wynyard, te tohu kaitākaro Māori o te tau.

I riro hoki i a Tai te tohu kaitākaro teina Māori o te tau i te pō tuku taonga hākinakina Māori.

Mō te roanga ake, tēnei hono mai ki Te Kāea a te 5:30pm, 7pm kupu hauraro.