Ka tūtaki atu a Temuera Morrison ki a Sokratov

Tamati Tiananga

Ano nei he paenga mai nō Hollywood, te whakaeketanga mai o Temuera Morrison ki te huinga pāpāoho mo te pō whawhai  Hydr8 Zero. 

He rongonui ia mo tāna whakaari i te tangata nei a Jake "The muss" o te pikitia Once Were Warriors, he rōpu kāmera e whai hāere ana i a ia, ko te kōrero he hōtaka motuhenga e hopukina ana hei whakapāhotanga ki Aotearoa a ko ake nei

Hei te wiki tonu nei puta ai ia ki te mura o te ahi mekemeke mo te wā tuarua i tōna oranga, engari i pono mai tana korero, kaore tona tinana e rite ki tō Jake Heke i te rua tekau tau ki muri nei. 

Ka pakanga atu a Morrison ki a Broriss Sokratov, a ka mutu ehara a Sokratov i te tangata poka noa, katahi nei a ia ki a hoki mai i Ahitereria i tāna wānanga whakaharatau mekemeke he kotahi wiki te roa 

He toa kai-tiaki taha moana a Sokratov i Aotearoa nei, he toa tōna hoa rangatira rāua ko tana tama ki te Taekwondo.  Hei tā Morrison, ahakoa tana whakatangetange riaka, i uaua te ū atu ki ngā mahi whakapakari tinana me te mohio e māuiui ana tōna whaea.

He whawhai whakahirahira tāna e hiahia nei, hēoi mō te hunga e hia mātaki ana i a Jake The Muss, tērā pōhēhē tērā, ko te whai kē a tēnei uri o Tamatekapua kia upoko pakaru te karawhiu.