Ka tutaki atu ngā Potae Pango ki te tira West Indies

I ngā whānau e kaitahi, e inu tahi ana i te ata nei, i whakapeto ngoi ngā Potae Pango kia rite ai mo te whakamatautau kotahi ra te roa apopo.

I hono tahi a Jesse Ryder me Martin Guptill i tana hokinga mai ki ngā tukinga a ao whai muri i te rua tau ki waho atu i ngā Potae Pango.

I patua a West Indies e ngā Potae Pango e rua ki te kore i ngā whakamatautau i tēnei marama, a ko te manako ia ka haria tera mauri toa ki tēnei tukinga kotahi ra te roa apopo.

Engari kahore nga Potae pango i te haere i runga i te pohehe. He tino kapa te West Indies, a me tupato a Aotearoa. 

A kua mutu ngā whakaharatau o te kirihimete inaianei kotahi te titiro a te kapa ki te tukinga apopo.