Ka tuki te kapa U15 Akarana Falcons ki ngā Colts o Waicoa Bay

I te rā tuarua o te whakataetae rīki o te motu mā ngā taitama kei raro i ngā tau tekau mā rima, i tuki atu te kapa Akarana Falcons ki te tira Waicoa Bay Colts i te Papa Tākaro o Bruce Pulman i Papakura.

I whakaatu atu a Akarana i tā rātou tautōhito i te haurua tuatahi, engari nā ngā hapanga i te haurua tuarua i tata eke a Waicoa Bay.

I riro ma nga haka te tukinga i waenga i te kapa Akarana Falcons me te tira Waicoa Bay Colts e whakapuare, i te ra tuarua o te whakataetae riiki o te motu ma nga taitama kei raro i nga tau tekau ma rima.

I kaha rawa ngā mahi a ngā Falcons i te tīmatanga o te tākaro, ā, i whai piro rātou i ngā mēneti tīmatanga nā tō rātou hiku parahutihuti.

I whai torohaki tonu ngā Falcons i te haurua tuatahi, ā, e rua atu anō ngā piro i riro i a rātou kia puta ki mua i te wehenga rua, tekau mā ono ki te kore.

Heoi, i raru ngā Falcons i te haurua tuarua nā ngā hara maha, ā, i whakaheke tōtā ngā Colts kia hoki anō ki roto i te tukinga.

Engari, i taikaha tonu ngā mahi ārai a ngā Falcons i ngā mēneti whakamutunga kia aukati atu i ngā Colts, otira kia kapo ake i te wikitōria.

Nā ngā wikitōria e rua ka whai wāhi ngā Falcons ki ngā whiringa whāiti hei tēnei Rāpare, me ngā whakaaro tonu mō te whiringa toa.