Ka tuki atu rae ki te rae tētahi tokorua kaipāpāho reo irirangi

Tamati Tiananga
  • Waikato/Te Waiariki

Nā te kaipāpāho o Te Reo Irirangi o Tainui, nā Patara Berryman te mānuka i kawea ake, i runga anō i te taki atu a Norm Rahiri o Te Reo Irirangi o Moana FM i Tauranga Moana i tētahi whawhai mekemeke kohikohi pūtea i tū ki te pāpārakāuta o G2 i ngā rangi okioki kua hipa.

Nā Rahiri te wero ki a Berryman i runga i whakapāhotanga irirangi, ā, ahakoa tōna ohorere, kīhai a Berryman mō te takoto noa.

Hei whawhai whakawāwahi i ngā whakahaerenga o te pō mekemeke G2, i tū te pakanga, he toru ngā rauna e rua mineti te roa, i waenga i a Berryman rāua ko Rahiri mō te whakaemi pūtea te aronga nui.

This was Norm Rahiri's first time in the ring.  Rahiri (Ngāti Kahu) is a local Tauranga Moana pupil and a keen rugby player for Te Puna.

He tuatahitanga tēnei mā te kaimekemeke tore kaihuruhuru nō Ngāti Kahu, ā, he kaha hoki nōna te whai atu i ngā āhuaranga o Tauranga Moana me te whutupōro anō hoki.

He kaitākaro mō te karapū rīki i Rāhui Pōkeka, mō Taniwharau, a Berryman, me tana kaha aro atu ki tōna wāhi tuarua i roto i te rīngi.

Ahakoa ngā whakawhiu a Rahiri ki a ia, i puta whakaihuwaka a Berryman i runga i te whakaaetanga a te katoa o ngā kaiwhakawā.

Kua puta rā he kōpae ataata o ngā whawhai katoa o te pō hei mea hoko mā te marea , he tekau mā rima taara te utu, i roto i tērā utu, ka haere tōtika atu he rima taara ki te whare hāpori o Merivale.

Ā tōna wā tika, ka puta atu anō hoki ngā whakatau ōkawa a te ohu mekemeke o Aotearoa.

Ka tere anō te waka nei o G2 hei te Apereira 2014, ki reira pea tātou kite ake ano ai i ēnei hautupua e tuki atu anō ana rae ki te rae.