Ka tū te whakataetae mamau nui rawa o Aotearoa

updated Tamati Tiananga
  • Tāmaki Makaurau

Hei ngā rangi whakatā nei ka hoki atu te whakataetae mamau nui rawa o Aotearoa.

Ka tae atu ngā kaiwhakataetae mai i ngā tōpito katoa o te motu ki taua whakataetae i Tāmaki Makaurau.

Ko te matapae o te kaiwhakahaere a Steven Oliver, inā te tokomaha o ngā Māori ka uru atu ki te kaupapa.

Hei te tau nei ka tu ai te tonamana tuawhitu hei whakaruruhau i nga kaiwhawhai toa nō Aotearoa nei me Poihākena, Ahitereria. 

E ai ki te toa mau tatua pango, e ai ki a Oliver, hei te huinga whawhai Gi o te motu ka whakahōnoretia te toa tāne me te toa wāhine taumata ikeike ki ēnei tātua.

E ono rau neke atu ngā kaiwhawhai tāmariki, mātua hoki, ka eke ki te mura o te ahi.

E ai ki ngā kaiwhakahaere, ko te nuinga he Māori. 

Ka hoki mahara a ahorangi Oliver ki te wā i haere tawhiti ia ki te whawhai ki ngā toa, heoi ināianei kei te wā kāinga nei ko ngā toa.  

Hei te waru karaka i te ata te wā, hei te Rāhoroi, te tuarima o ngā rā o Hereturikōkā tu ai ngā mahi ine taumaha ki te taiwhanga o ASB i Kohimarama.