Kaupapa: Kī-o-rahi

Ka tū te whakataetae Ki ō Rahi ā-Iwi ki Tūrangi

Mere McLean

Hei tērā marama huataki ai te whakataetae Ki ō Rahi ā-Iwi ki Tūrangi. 

Kei te aro nui te kaimahi o Te Papa Takaro o Te Arawa a Stephen Te Moni ki te whakataetae Ki ō rahi nonoke ā iwi i runga hoki i te mohio, he nui tonu ngā iwi kei roto.

Hei tā Stephen Te Moni, “Nō reira ko ngā iwi ka whai wāhi ki reira, ko Ngapuhi tētahi, ko mātou o Te Arawa tētahi, ko tērā o ngā iwi o Whanganui, ki roto mai o Pōneke hoki, he tima wahine, he tima tāne, ka mutu, e manākihia mātou i ngā tauwhirotanga ō te iwi ō reira o Tūwharetoa.”

Ko te tau tuawhā tēnei e whakahaeretia ana tēnei hui e te roopu Hākinakina o Tūwharetoa ki Tūrangi, ko tā Te Moni e manako ana ka tipu ake te tākaro nei.

E ai ki a Stephen Te Moni, “He uaua ki te whakarite i te mea he tawhiti rāno te haerenga mai o wētahi ō ngā kapa, ā, nō roto mai ō Ngāpuhi rāno.  Tōna tekau haora pea te tawhiti, mā runga pahi, heoi ano, ko tō rātou kapa, ko tō rātou māia ki te hara mai ki te tautoko.” 

Ka tū te whakataetae ki Tūrangi hei tērā Rāhoroi atu i te tekau karaka i te ata.