Ka tū te wānanga whakawhanake whutupaoro U18 Hurricanes

Aroha Treacher
  • Te Tai Rāwhiti

Ko te tino ia o te wānanga whanake Hurricanes tekau ma waru tau me raro iho e haere ana ki Ahuriri, kia whakamanahia ngā kaitākaro whutupaoro taiohi nei hei kaitākaro taiea, e tū rangatira ana kei te whīra tākaro kei waho hoki o te keemu.

"Kei te kimi mātou i ngā tāngata mahaki, e hiahia ana ki te mahi, koira ngā āhuatanga e hiahiatia ana kia tū hei Hurricane," tā Darren Larsen, Hurricanes Recruitment and Development Manager.

He huarahi tēnei mā ngā kaitākaro nō ngā pito kainga pērā i a Atonio, tekau mā waru ōna tau, he kaitākaro Hurricane tōna tuakana.

"He mea nui tēnei, e tū whakahīhī ana wā māua mātua," tā Walker-Leawere.

I kōnei ako ai ngā taitama nei i ngā pukenga whutupaoro me ngā pukenga oranga.

"Ko te nuinga o ēnei taitama he tau 13, ākuanei wehe atu i te kura kia uru atu ki ngā whare wānanga, he tūranga mahi hoki, nā reira me tautoko mātou ki a rātou kia whai mahi kei waho atu o te whutupaoro," tā Rua Wano.

E mātakitakingia ana rātou e ngā kaikowhiri tuangahuru me ngā kaitautoko rua tekau mā rima katoa.

Koira te whainga matua mō te nuinga o ēnei taitama.