Kaupapa: Health

Ka tū a Tawhai kei kanohi mō Aotearoa i te whakataetae IFBB Pro ki Amerika

Tamati Tiananga

He uri nō Tainui, nō Ngāpuhi hoki ka eke ki runga ki te taumata whakawhena uaua o te 'IFBBA Pro' ki Sacramento, Awherika, rua mano tekau mā whā.

Ko Brie Tawhai tōna ingoa, ka uru atu ia ki tōna whakataetae ao tuarua hei ngaio i te wāhanga wahine mau bikini wahine tāroaroa mō Aotearoa.

Ko ia te mareikura o te tauwhāinga whakawhena uaua o Aotearoa i te wāhanga wahine tāroaroa mau bikini i ngā tau.  

I tahuri atu a ia ki ngā mahi hauora nā tana hiahia kai i ngā kai pai me tana hoa tāne a Jeremy Tavaga.

Nā Tawhai tonu a Jeremy i whakaawe, ko ia anō hoki te toa i Aotearoa nei.

Ko te tauwhāinga whakawhena uaua 'IFBBA Pro' ki Sacramento, Amerika tō rāua whakataetae tuarua ki tāwāhi.

He kai whakangungu a rāua mahi.

Kātahi nei rāua ki a rere atu ki Sacramento, e rua rā te roa o te whakataetae hei te toru tekau o tēnei marama ki te tuatahi o ngā rā o Whiringa-a-Rangi.