Ka tū hoariri atu a Ngāti Umutahi ki Te Arawa mō te taitara rīki ā-motu

Rahia Timutimu
  • Waikato/Te Waiariki

Ko Ngāti Umutahi tētahi o ngā kapa toa i roto i te wāhanga Waka i tēnei tau ki te whakataetae Rīki Māori o Aotearoa, ko rātou hoki tētahi o ngā kapa e whai haka toa ana.

Ko rātou hoki te kapa tuatahi i whai piro, i ea ai te kaitākaro nō te kapa Māori o Aotearoa a Rusty Bristowe ki te rārangi.

I whai ara a Te Arawa ki te whakawhiti i te rārangi, heoi nā ngā hapa paku i raru ai rātou.

I te mutunga he pakari rawa a Ngāti Umutahi ki te ārai, me te ārahi i te wehenga rua, e ono ki te kore.

I te mēneti tuatahi o te haurua tuarua, i kite anō a Ngāti Umutahi i te rārangi.

Ā, i te hekenga mai o te ua, he uaua rawa mā ia kapa ki te whai piro.  

Engari anō i ngā mēneti tekau e toe ana, ka ea i te kapa o Te Arawa tā rātou piro tuatahi o te tukinga.

E ruarua noaiho ngā mēneti e toe ana ki te tangi o te whio whakamutunga, ā, ko te kapa hiakai, ki a ia te wikitōria.

Heoi, ko Ngāti Umutahi tērā i whai i tā rātou piro tuatoru o te tukinga, ki te wikitōria i te taitara waka mō te tau, tekau mā whā ki te ono ngā tatau whakamutunga.

I kii mai a Matua Hammond, tētahi kaitākaro o te kapa Te Arawa, "kua roa mātou e ngaro ana i tēnei tīma whānau nei, heoi anō, i hiahia mātou i ngā tau ki muri.

Kaha mō te whawhai, kaha anō ki te pakanga i waenga anō i a matau i runga anō i te mōhio, ka mau tonu rātou i te ingoa o Te Arawa, ko mātou tonu ka mau i te ingoa o Te Arawa, nā reira he pakanga ki te whānau anō.”