Kaupapa: Basketball

Ka toa ngā Tāroaroa Pango ki a Haina

James Perry

Nō te rangi oti ai te rauna tuatahi o ngā whiringa whakauru mō te whakataetae ipu o te ao poitūkohu.

I puta te ihu o Aotearoa ki a Haina i Spark Arena 67-57 kia noho ki te tūranga tuatahi o te puna A. 

Kapi katoa ngā turu o Spark Arena i ngā apataki, kāore rātou i nanu i ngā kaitākaro.

Nā Isaac Fotu ngā kuru tuatahi o te kēmu, hēoi, inā ngā hapa o te kapa Tāroaroa Pango i te hauwha tuatahi. nā whai anō i mua te haere o Haina i te mutunga o te hauwha tuatahi.

I piki ake te kounga o ngā Tāroaroa pango i te hauwha tuarua, nā ngā waewae tere o Shea Illi, me te ringa wera o Isaac Fotu

Nā Tom Abercrombie anō ngā Tāroaroa Pango i koke whakamua.

I  mua te haere o Aotearoa i te weheruatanga mā ngā kaute tekau mā tahi.

A i pērā hoki te toenga o te kēmu, i te mutunga iho ko Aotearoa i toa, 67-57.

Kua uru kē a Haina ki te Ipu o te Ao, nā runga i tō rātou whakauhi i te kaupapa, hēoi ka koke tonu ngā kapa e rua nei ki te rauna tuarua ka tīmata hei te Māhuru, ki reira tuki ai ki a Syria, rātou ko Lebanon, ko Jordan.