Ka toa ngā Rākau Pango Tāne i te tākaro tata ki a Ahitereiria

Taroi Black

Kua hoki pai mai te kapa Rākau Pango Tāne whai muri i tā rātou turaki i ngā toa whakaihuwaka, i a Ahitereria i te tauwhāinga Sultan Azlan Shah Cup i Malaysia.

I roto i te rua tekau mā toru tau, koinei anake te wā tuatoru kua whakahinga a Aotearoa i a rātau. I kōrero hoki a Te Kāea ki te uri Māori nei, ki a Andy Hayward mō tāna whakawhiwhinga ki te taonga kaitākaro autāia o te whiringa toa.

Nā te toki o ngā piro pere, a Hayward, te tāonga kaitākaro i kapo ake, mō ana piro e rua.

Kua whā tau nō te turakitanga o Aotearoa i ngā toa whakaihuwaka.  Ko te wā tuatahi hoki tēnei mō tētahi kapa o te ao ki te wikitōria i te Sultan Azlan Shah Cup i te wā tapiri.