Ngā kaupapa: Rugby League, NRL

Ka tākaro a Tohu Harris ki mua i tōna iwi

Aroha Treacher
  • Te Tai Rāwhiti

Ki roto i te rua tekau mā whā haora ka tākaro te tira Melbourne Storm ki te kapa St George Dragons mō te wā tuatahi ki te pāka o McLean ki Ahuriri.

Te āhua nei, ko te tukinga te whainga matua a ngā kaitākaro, i te mea kāore anō kia puta mai ki waenga i te haukainga nei. Hēoi kaore e kore, he tukinga nui whakaharahara tēnei mō te tama nō konei tonu, ara a Tonu Harris, nō te rā tonu nei ka whakaīngoatia aia hei māngai mō tētahi whare wānanga mā ngā rangatahi o konei, e kīa nei ko Tū Ake.

I toa te tira Storm ki ngā Panthers i tērā wiki, me te mōhio ko te wikitoria ano ta ratou e whai nei. E rua noa iho ngā piro ki waenganui i ēnei tira i te rāranga kaute, nā reira he tukinga nui tēnei. A, kei te matāra anō ngā Dragons.

Ko Tohu Harris tētahi o ngā toki o te tira Melbourne Storm, inaianei kua whai wāhi ia ki te tuku āwhina ki tōna ake hapori, mā roto i te hāpai i ngā rangatahi.

I tākaro tuatahi ia mā te tira i te tau rua mano tekau mā toru, mai i taua wā kua makere mai ia i te paehihiri, a inaianei ko ia tētahi o ngā toa pākaha o te tira ka tākaro i te waru tekau miniti.

Te nuinga o te wā he poumua ia, engari āpōpō ka tū ia hei pokapū. Otira he tuatahitanga tenei mōna ki te takaro ki mua i tōna iwi kainga, a, he poraka hōu ka whakamaua e tōna tira, nāna tonu i waihanga.

Ae kia mahara tonu tātou, i toa te tira Storm ki nga Panthers i tēra wiki, me te mohio ko te wikitoria ano ta ratou e whai nei. E rua noa iho ngā piro ki waenganui i ēnei tira i te rāranga kaute, nā reira he tukinga nui tēnei. Ā, kei te matāra anō ngā Dragons.

Kei te tūnga tuaiwa ngā Dragons i te rārangi toa, me wikitōria ka tika, ki te eke ai rātou ki te puna toa e waru.

I te tīmatanga o tēnei whakataetae i turakina ngā Dragons e te kapa Storm, engari kua ahu mai ngā Dragons i ngā hinganga karapipiti e ono.

Kei te turanga tuarima te kapa Storm i tēnei wā, ki te wikitoria rātou ka pāuaua rātou i te puna toa, engari ko wai ka mōhio āpōpō.