Kaupapa: Rugby

Ka tākaro a Maitland mō Kotirangi mō te Six Nations

Kua uru tōtika atu te paehau Māori a Sean Maitland ki te kapa matua o Kotirangi ki te whakarite mō te whakataetae Six Nations e kainamu mai ana.

Kua toru marama noa iho te uri nei o Ngāpuhi ki Kotirana, ā kua āhei ki te uru atu ki te kapa, nā tōna whakapapa Kotirana i te taha o tōna koroua.

I te Whiringa ā-Nuku o tērā tau, i hono atu ai a Maitland ki te karapu Warriors o Glasgow, nā tāna kore ekenga atu ki te kapa matua o Aotearoa nei.

Ko Maitland tētahi o ngā kaitākaro 19 nō ngā Warriors o Glasgow, kei te tūranga tuarua i te Whakataetae Celtic i tēnei wā, kua whai wāhi atu ki te kapa o Kotirangi.

Kairīpoata: Pual Mikkelson.