Kaupapa: Rugby

Ka takaro e Fiao'o Fa'amausili i tāna tukinga kotahi rau mo Tamaki Makaurau

Rahia Timutimu
  • Tāmaki Makaurau

Inapō rā whakanuia ai e te kāpene o mua o te kapa toa Ngā Mamaku, a Fiao'o Fa'amausili mo tāna tukinga kotahi rau me te kapa Tāmaki Makaurau, i te whakataetae Farah Palmer Cup.

He tukinga ngāwari noa mā te kapa, i tuki atu ki ngā hoariri o tērā atu taha o te piriti, a Te Rakipaewhenua, me te whakanui i tana tutukitanga, kia wikitōria, toru tekau mā whitu ki te rima.

I whakanuia te kāpene o mua o te kapa Ngā Mamaku tōmua i te tukinga nei.

He tutukinga kāre anō tētahi kia eke, ko te tākaro i ngā tukinga kotahi rau mā te kapa kotahi.

Tekau mā rima meneti te roa kia whakawhiti ai tētahi kapa i te rārangi piro.

A, ko te uri nō Ngāti Pūkeko tērā, ko Ruahei Demant i whakawhiwhia ki tā Tāmaki kaute tuarua.

Pakari ake nā tā Te Rakipaewhenua ārai, heoi i ngana tonu a Tāmaki kia whati, kia eke ai tā rātou piro tuatoru, tuawhā hoki i mua i te wehengarua. Kia arahi, rua tekau mā rua ki te kore.

He hua i puta mai i te hapa a Tamaki, kia eke ai i a rātou mō te wā tuatahi o te tukinga.

Heoi anō, i hoki ora mai a Tāmaki, ā, i ngā meneti tekau mā rima, e rua a rātou whakawhitinga i te rārangi piro.

Otirā, ko te tuawahine o te pō tērā i eke i te rārangi, i tana tukinga kotahi rau.

Kia wikitōria ai tana kapa, toru tekau mā whitu ki te rima.