Kaupapa: Rugby

Ka rere te kapa takiwhitu wahine ki Amsterdam

I ngā māmā o te motu e whakanuia ana i te rangi nei, tērā ngā mema o te kapa takiwhitu wāhine kaore i whai wā ki te whakanui tahi me ō rātou nā tamariki, māmā anō hoki.  He wehenga tēnei i te aronga matua o ngā mahara, arā te rere ake ki Amsterdam i tēnei ahiahi mō te rauna whakamutunga o te whakataetae takiwhitu wāhine o te ao hei tēnei Rāmere.