Ka puta Parata ki te papa mekemeke

Tamati Tiananga
  • Waikato/Te Waiariki

He kaiwhakapāoho mō te Reo Irirangi o Tainui ka puta ki te mura o te ahi mekemeke, kia kohi pūtea mō te hunga wāhine kāinga taupua i raro i te maru o Te Whare Whakaruruhau ō Aotearoa me te rōpū hauora hinengaro.

E rua marama te kaipānui a Patara Berryman e haratau ana i ngā ata mō te huinga mekemeke nei ka tū ki te pāpara kāuta o G2 ki te Tāone o Tauranga Moana hei ēnei rangi okioki.

Hei tā te uri nei o Ngāti Whāwhākia, pae tū pae hinga, ko te ito o te kaupapa te whāinga matua.

Ka tū hoariri atu a Patara ki a Norm Rahiri, ā, ko tana hoa mahi a Matutaera Herangi anō tētahi ka whawhai, he wahine anō ka puta ki te papa rīngi.

E whakaharatau tahi ana a Parata me te karapu whanameke o Rāhui Pōkeka.

He ope tautoko tana ka tae atu ki te pō whawhai, ka haere mā runga pahi he wha tekau ma rima turu te rahi.

Ā, hei tā Patara ki te eke panuku ia, a tōna wā pea puta ai ia ki te tauwhāinga 'Fight for Life'.