Ka pōhiritia a David Tua e Kingi Tuheitia

By Tamati Tiananga

Kua noho whakaiti a David Tua i te reo karanga o Kingi Tuheitia

Ko te tau rua mano ma iwa te wā whakamutunga i whawhai ai a Tua i te rohe o Tainui-Waikato, i turakitia te uri nei no Rongomaiwahine a Shane Cameron e Tua.

I taua wā tonu i taumaha te ngākau mo te toki o Aotearoa, he uri no te whānau o Tua i parekuratia i te taianiwhaniwha i Hāmoa.

No te rangi nei i tuku porporoāki a Tua ki tōna hoa tata no Hāmoa a Peter Fatialofa kua huri ki tua o paerau.

E whaia ana e Tua te mahi wairoa me te aha, nā ngā tohutohu o tana kaiako whakapakari tinana a Lee Parore a ia i aro atu, hei tāna i tino kino tona hauora tinana, he momona rawa, na whai ano tōna huri atu ki te huarahi o te ora.

Hei enei rangi okioki puta ano a ia ki te mura o te ahi papa mekemeke, kua rua tau a ia e noho ana ki rāhaki, hei tā ngā korero ki  te eke panuku a ia me te patu i tona hoariri ki a hinga noa, tera pea ka pakanga a ia mo te taitara toa o te Ao.