Kaupapa: Rugby League

Ka pōhiri a Pakuranga i te kapa Bulldogs mō te whakataetae NRL Taki-iwa

  • Tāmaki Makaurau

Kua tīmata kē te karapu rīki o Pakuranga ki te whakarite kaupapa mō tēnei ra nui ki te taha o ngā Bulldogs.

Inapō ka whai hoa ngā kapa NRL ki ngā karapu rīki o Tāmaki Makaurau, ā, ka hono atu te kapa Sharks ki a Ōtāhuhu.

Otirā ko Manly te hoa NRL ki a Richmond, ā, ko te karapu nō Te Raki Paewhenua a Glenfield te karapu waimarie i whai hononga ki te kapa toa o te NRL o tēnei tau ngā Roosters.

He mea nui whakaharahara tēnei ki a Pakuranga kia whai wāhi atu a rātou tamariki, a rātou mema katoa me te hapori whanui ki ngā whetu NRL o te kapa Bulldogs.

Hei tā Dan Keepa nō Pakuranga, “He mea nui tēnei mā ngā tamariki, te kite i ngā whetū pērā ki a Sam Kasiano rāua ko Greg Eastwood nō te karapu o Manurewa Marlins.  He mea mīharo kia hoki mai ērā momo ki ngā papa tākaro o te hau kāinga!"

Pērā i a Pakuranga, ka whai hua ngā karapu katoa o te hau kāinga i tēnei kaupapa autaia.