Ka oti noa atu te whakataetae poitūkohu takitoru ā-motu

  • Tāmaki Makaurau

Kua huri haere tēnei whakataetae poitūkohu takitoru i te motu i ngā marama e rua kua horī, ā, ko te mea whakamutunga o ēnā i tū ki te pokapū o Aotea i Tāmaki Makaurau.

E rekareka ana ēnei tamatāne nō Te Taitokerau i ā rātou wheako i te taone nunui me te whakataetae nei.

Hei tā tō rātou kaiako, tā Peter Poharama, “He wheako hōu tēnei mō te nuinga o ngā kaitākaro ka tahi, ka rua horekau he ahuaranga i tū atu, i tū mai ki tēnei hei whakaatu i ngā painga o ēnei tū mahi. Kua puta ngā taurikiriki nei i ngā waiatanga ā rātou”

Kāti, e ai ki tētahi o ngā kaiako i tae ā-kanohi atu, tā Tyson Hunia, nō roto mai o Ngāpuhi e kii nei, “Kāre au mō te tākaro whutupōro ao noa te pō, pō noa te ao. Ā, i te kaha hiahia āku mātua keke kia tū mai ai au hei kaitākaro hākinakina, ahakoa te kēmu. Nā whai anō ka uru atu ki te poitūkohu, me taku tino miharo anō hoki.”

E whakahaere ana a Peter i te kaupapa rangatahi "There's a Better Way", ā, hei taana, ehara i te mea ko te wikitōria te mea nui, engari ko te urunga atu o ēnei taiohi ki te hākinakina.

Ka mutu, he whakataetae tēnei mā ngā reanga katoa, ā, kua kitea te kounga o ngā kaitākaro wāhine i whakataetae atu, ko ngā Westeez te kapa rangatira o tēnei taiopenga tākaro.

Hei tā Wuanyei Ah-Hing, he kaitākaro ia o te kapa ‘Westeez’ nei e mea nei “koinei tō mātou tū tuatahi ki tēnei whakataetae. Me te mea nei, kua haere noa mai nei mātou i runga i te wairua pai”

He wāhanga hoki i tēnei tātāwhainga mō ngā kaitākaro kakama ki te kurupiro.

Hēoi anō, wikitōria mai, hinga mai rānei, he otinga pai tēnei mō ngā whakataetae takitoru o te raumati.