Ka oma ngā kaimekemeke o Aotearoa i ngā arapiki rongonui nō te kiriata Rocky

Tamati Tiananga

Nō te wā he tamaiti noa iho a Rob Berridge, te kaimekemeke nō Ngāi Tahu, he wawata nui nōna kia oma i te arapiki i rongonuitia i te kiriata Rocky Tuatoru.

Ko te whai i ngā tapuwae o te kaiwhawhai pakimaero rongonui, o Rocky Balboa te āhua mahi.

I tae atu a Berridge ki Amerika i te Rāmere, ka mutu, kua taunga ia ki konei, kua tau tana noho ināeanei

E ai ki a Rob Berridge e pā ana ki tana hoariri,“Kahore anō ia kia whawhai ki tētahi kaimekemeke southpaw, erangi, kahore e kore, kua whakapau mahara āna mahi whakangungu katoa ki tērā momo kaimekemeke. Wai ka hua, ka tohu he aha te aha hei te pō whawhai, erangi e nui ana a roto."

Kia huri ake ki te kawhawhai nei, a Jospeh Parker, e rikarika ana hoki ia mō tana pakanga nui kei mua i te aroaro.