Kaupapa: Rugby

Ka noho ōrite te tira Opango mo tā rātou whakamātautau tuarua ki a Ingarangi

updated Tamati Tiananga

Ki Ōtepoti tau atu ai te kapa Ōpango inapō, tōmua i tā rātou tukinga tuarua ki te kapa o Ingārangi hei te Rāhoroi.

Mō Ingārangi, he maha ngā kōwhiringa kaitākaro ka āta tirohia, engari mō te kaiako Ōpango a Steve Hansen, te hanga nei ka ū tonu ia ki te kapa o te Rāhoroi kua hipa.

E rikarika ana a Conrad Smith ka mate ururoa te kapa Ōpango kia eke panuku anō i tēnei wiki. He tekau mā ono katoa ngā kaitākaro ka hoki atu ki te kapa o Ingārangi ka mutu, e whakapeto-ngoi ana kia kōwhiria ki te kapa. Otira ki te auraki mai a Julian Savea ki te kapa ka piki ake te wairua. 

Nāreira mā te whakaporotū whirikoka a takitahi nei hei painga mō te tira. Hei te Rāpare ka whakaingoatia te kapa Ōpango.