Ka kōrero te kapa Breakers mō tā rātou kēmu tuatahi me te kaupapa Boroughs

Te Kāea
  • Tāmaki Makaurau

Kei te taumata tuatahi ngā Breakers mō tēnei wā ā e whakarite ana rātou mō te kemu tuatahi ki roto i Aotearoa mō tenei tau ki ngā Kahu o Wollongong e noho ana ki te taumata tuawaru. 

E whakapau hā ana, kia rite anō ai te tinana, te hinengaro mō te tukinga tuatahi ki te hau kāinga o te tau.

Kātahi anō i tohungia a Tai Wesley mō te kaitakaro o te rauna, rua-tekau-mā-toru ngāna kaute, waru ngā tāwhana, rua ngā pāpare i roto i te rua tekau mā toru mēneti.

E tautoko ana te toki poitūkohu a Steven Adams i te "Boroughs Project".  E ngana ana kia whakaatu i te ao kohi whetū mai i ngā kōti rongonui o Amerika tae atu ki ngā kōti tākaro o Aotearoa.

Hei āpōpō ka tākaro ngā Breakers ki ngā Kāhu o Wollongong ki ngā kōti tākaro o Te Raki Paewhenua.