Kaupapa: Rugby

Ka kōrero a Milner-Skudder mō tōna aurakitanga

  • Te Whanganui-ā-Tara

Kua whakaingoatia a Nehe Milner-Skudder ki te aroaro ā-kapa Hurricanes mō te tukinga ki te kapa Crusaders hei te Rāhoroi nei.

Nā te wharanga o tōna hīkari i kore ai ia i te tukinga i tērā wiki, heoi kua kapohia anō e ia te tūranga poumuri.

Ko Milner-Skudder tētahi o ngā whetū arataki i tēnei tau, nāna te kapa Hurricances i hāpai ake ki te tihi o te whakataetae Super 15, heoi e noho tūmatohi tonu ana te toki whutupōro rua tekau mā whā nei ōna tau, inā kei tawhiti tonu te otinga o te whakataetae.

I tērā tau tonu ka tohua a Milner-Skudder ki te kapa mahuri Hurricane, ā, nō tēnei tau tonu ka eke ki te kapa matua, ā, ahakoa ko ia tētahi kua tohua hei Ōpango a tōna wā, ko te kapa Hurricanes kē ko paetata mōna.  

Ka tīmata te tukinga hei te 7:35pm.

Hurricanes: Reggie Goodes, Motu Matu’u, Ben Franks, Jeremy Thrush, James Broadhurst, Callum Gibbins, Ardie Savea, Brad Shields, TJ Perenara, Beauden Barrett, Julian Savea, Ma’a Nonu, Conrad Smith (c), Cory Jane, Nehe Milner-Skudder Reserves Dane Coles, Jeffery Toomaga-Allen, Chris Eves, Mark Abbott, Blade Thomson, Chris Smylie, Matt Proctor, James Marshall