Ka hoki atu a Cameron ki te rīngi ki te whawhai ki a Minto nō Amerika

Tamati Tiananga

Kua tekau mā rua marama a Shane Cameron e ngaro atu ana i te papa mekemeke, ahakoa rā tenei, e ai ki te toki o mua o Aotearoa, kua tipu anō te māiatanga.

I karangahia a Kevin Barry e te toki whawhai nei a Brian Minto, ki a whakaako i a ia me te manako nui kia whakahinga i te tōtara nei a Shane Cameron.

Ko Barry te kaiako tuatahi mō Cameron i tōna whawhai tuatahi o te taumata whai utunga, engari hei tā Cameron kāore he paku aha ki a ia mēna kei kokonga kē te kaiako mōmoho rawa o Aotearoa.

Nōnanahi nei tau mai a Minto ki Aotearoa nei, ka mutu, e whakangūngū tahi ana rāua ko Joseph Parker.