Ka haere tonu te whakaritenga a te kapa whutupōro takiwhitu wahine i Tauranga

Mere McLean

I Tauranga Moana te kapa wāhine tokowhitū o Aotearoa i tēnei wiki, hei whakarite i a rātou anō mō te huinga tākaro takiwhitū IRB o te ao. Ko rātou ngā whakaihuwaka o te whakataetae, ā, kua puta te ihu mā ngā maaka e rua, hēoi ko tā te kaiako matua o te kapa, ko tā Sean Horan, he tata rawa tonu tērā.

Kua rite te tima, kua aro ngā whakaaro ki te whakataetae.  Ko te whai, kia toa i a rātou te whakataetae, kia noho hei whakaihuwaka o te ao.

E ai ki te kaiako matua o te kapa, ki a Sean Horan e kii ana, “He tino pai te haere o te waka. E haere ngātahi ana te rere o te hoe”

Kua tau ngā wharanga ki ētahi, engari e whakapono ana ngā kaiwhakahaere o te tima kei te tika tā rātou haere.

Hei tā Horan e mea nei, “He nui ngā tau kua piri tahi nei mātou, ā, koinei tō mātou tau tuarua i roto i tēnei whakataetae tonu. I toa i a mātou i tērā tau me te ipu ā-ao anō hoki. Nōreira e anga pērā atu ana”

Ko Chelsea Alley, kaitākaro o Ngā Mamaku te kaitakaro hōu ki roto o te tima.  Ko tā Sean Horan, he nui ōna pūkenga hei painga mō te kapa, engari koinei te whakataetae whakamutunga o te huinga tākaro, nāreira, ko wai rā ka mōhio ka ahu pēhea.

Hei tēnei Rātapu ka rere te tima ki Amsterdam, hei te tekau mā ono o tēnei marama tā rātou tūtakinga tuatahi.