Ngā kaupapa: Sevens, Rugby

Ka eke te kapa Ōpango Takiwhitu ki ngā Orimipia, ahakoa te hinganga i Glasgow

Rahia Timutimu

Kua turaki te kapa Whīti i te kapa Ōpango Takiwhitu o Aotearoa, rua tekau mā whā ki te tekau mā whitu ngā tatau i te whakataetae Takiwhitu ki Glasgow, whai muri i te kore whakaae a te kaiwawao i ngā piro e rua o te kapa Kiwi. Ahakoa te hinganga kua eke te kapa ki ngā Taumāhekehe Orimipia ki Rio hei te tau e tū mai nei ki Whīti me Awherika ki te Tonga.

I te haurua tuarua i puta whakamua a Whīti. E toru ngā piro i tutuki i a Whīti i ngā mēneti ruarua noa, whai muri i ngā piro a ngā kaitākaro Kiwi a Sherwin Stowers raua ko Sam Dickson i te haurua tuatahi. Ahakoa i tutuki i a Scott Curry tētahi piro mā Aotearoa, kāre i eke, ā, āpiti atu ko te korenga a te kaiwawao e whakaae ki ngā piro e rua a Sam Vaka, tētahi mo te nekehanga tuarua, tētahi anō i rutua ki waho.

Nā tēnei, e noho ana ngā kaiwhakangungu o te taitara i te tūranga tuatoru o te tēpu whakataetae, i muri i Whīti me Awherika ki te Tonga. Kua eke ngā kapa e toru nei ki te whakataetae ki ngā Orimipia ki Rio. Ā, ko Ingarangi, ko Ahitereiria e pakanga ana i te tūranga whakamutunga.