Kaupapa: Health

I whakaora ake a Neville i te wharanga kia pai ai tāna whakataetae tahi ki ngā toa Crossfit

Aroha Treacher

Kua roa rawa nei te whakataetae Battle of the Fittest e haere ana ki Aotearoa nei, ka tau mai ngā kaiwhakataetae toa o konei nō Ahitereiria hoki ki tētahi tauwhāinga uaua rawa, e toru katoa ngā rā te roa.

I kōrero a Te Kāea ki a Joelene Neville mō tōna haere i te ao CrossFit me tāna whakaora ake i te wharanga kia pai ai tāna whakataetae tahi atu ki ngā toa.

E rua tekau noa ngā rā e toe ana, ka whakamātautau a Joelene Neville i te taha ētahi o ngā tautōhito CrossFit o konei me Ahitereiria.

Whai muri i tētahi wharanga kino rawa atu ki te whatianga o tōna ringa i te Here Turi Kōka i tērā tau, e hia kē nei ngā wiki a Joeline e whakaora ana i a ia anō.

Ko te whakahē i tā rātou tāna i mahi ai, i te whakaingoatanga ōna ki te kāhui wāhine, tāne e whā tekau mā waru toa o Ahitereiria me Aotearoa, me te kuhu ki te whakataetae ā-rohe o Ahitereiria i tēnei tau.  Engari i tēnei wā, ko te Battle of the Fittest te whāinga tuatahi.

Ki tēnei toa ō-mua o Aotearoa mō te oma hohoro, ko tōna oranga ake i te wharanga kino, he hīkoi kua whakatipu i a ia, he wheako kua whakapakari ake i a ia, ā-tinana, ā-hinengaro i roto i āna whakangungu.