I tuki atu ngā pia ō mua o Tipene me te Kareti o Church ki runga i te papa whutupōro

I te tau rua mano i kati ngā tatau o te Kāreti o Hato Tipene, ko te kāreti o Church i whai atu i te tau rua mano tekau mā iwa.

He kura ēnei i hua ai he tini ngā Ōpango, rangatira Māori anō hoki. Inanahi tuki atu anō ai ngā ākonga o mua o ngā kura e rua nei i te papa whutuporo, ko te kāreti o Church i puta toa mai 42-19.

I mārama i te kite i te tāwhainga i waenganui i ngā kapa i te whakatakotoranga o te mānuka.

Heoi ko te tino wero i te kāuhanga whutuporo. Ahakoa kua roa te wā i tā rātau tākaro tahi, kua puta tonu mai ngā tama o mua mō te mana o ō rātau kura.

Ko te Kāreti o Church i whakawhiti tuatahi i te rārangi,

Kāore i mutu ki te kotahi, e anō i whai atu.

I te haurua tuarua, ahakoa te rirā o te ārai a Tipene i te puku o te papa, nā ngā waewae hukehuke o ngā pou taha o Church i eke ai rātau.

Heoi kāore i roa i muri mai nā te mōrō a Tipene i eke ai rātau.

Kāore e kore i whakahīhī a Norm Berryman i te nanakia o ngā mahi a tōna kura o mua.

Ahakoa i mua rā anō te kāreti o Church e hāere ana, nā Tipene kē ngā kupu whakamutunga i te puaretanga mai o tētahi āputa.

Ka riro ki te kāreti o Church te mana whakatamarahi  i tā rātau turakanga o te kapa o tipene 42 -19.