I tū toa ngā Warriors i tā rātou tukinga ki ngā Raiders

  • Tāmaki Makaurau

Kahore i pau i te wha meneti ka whakawhitia te rarangi piro e ngā Warriors. Kahore e roa i eke ano te kounga o ngā Warriors kia tutuki ai ta rātou piro tuarua, ā, puta ana tō ratou ihu tekau ma rua ki te kore.

I mahue ai ngā taumahtanga o te wiki kua hori i a Konrad Hurrell, a i kikino ana tana takaro, tana oma kaha kia whai mita me tana ake piro hei awhina i te kapa.

Neke atu i te tekau ma waru mano ngā kaiwhaiwhai i umeretia e te hau kainga i tēnei tukinga hei whakanui i te rangi o ngā mama, ka mutu i arahi ngā Warriors rua tekau ma wha ki te ono.

Hāere tonu ai ngā piro a ngā Warriors i te haurua tuarua.

E iwa katoa ngā piro a ngā Warriors i tēnei tukinga, a i tapiri hoki a Shaun Johnson i ngā whana katoa me ana ake piro e rua.

Kei te tunga tekau ngā Warriors i te tepu NRL engari ko te manako ka kawea te mauri toa o tēnei tukinga ki te pakanga ki ngā Bulldogs ki te taiwhanga o Waikato hei tera wiki.