I tū te poroporoaki o ngā taumāhekeheke ki Glasgow i te ata nei

Rahia Timutimu

Ko te poroporoaki o ngā taumāhekeheke ki Glasgow i tū i te ata nei, ā, me whakahihi a Aotearoa nā te angitū o ā tātou kai-para i tēnei tau. Nā ngā hiriwa ki a Jack Bauer me te kapa Rarauwhe Hiriwa inapō, he ōrite te rahi o ngā metara i riro i a Aotearoa ki te haonga metara nunui rawa ki tāwāhi, i taea i ngā taumāhekeheke ki Manchester, he tekau mā rua tau ki muri.

Whai muri ngā rā tekau mā tahi ki ngā Taumāhekeheke Hoawhenua, he whā tekau mā rima ngā mētara i whai a Aotearoa, o aua mētara he tekau mā whā ngā mētara koura, ki ngā Taumāhekeheke Hoawhenua rua tekau i tū ki Glasgow

Ko ngā mētara hou i whiwhi ināpō, Ki te whiringa toa mo te Poitarawhiti, i te hiahia ngā kaiwhakangūngū a ngā Rarauwhe Hiriwa te wikitōria i tētahi koura anō

Heoi he pakari rawa a Ahitereiria, wikitōria ai te kapa toa o te Ao i runga ake ia Aotearoa mā ngā piro tekau mā waru, he rima tekau mā waru ki te whā tekau ngā tatau whakamutunga

Kāre i eke tā Aotearoa Hōki hiahia te whai mētara, i hinga kia Ingarangi i te pakanga tū taumātakitahi hei whiri i te toa

Tū ai te poroporoaki i te rā nei, me te hīkaka o Aotearoa, i ōrite ai te hua ki ngā kēmu i tū ki Manchester he tekau mā rua tau ki muri

A, nā te tata o ngā Hoawhenua ki te wā kainga i te tau rua mano tekau mā waru, he hua pai ake te hiahia o Aotearoa ka tū ki Ahitereiria