Ngā kaupapa: Kura Tuarua, Basketball

I te mēneti whakamutunga, wikitōria ai a Rangitoto i te whiringa toa

Rahia Timutimu
  • Te Tai Tokerau
  • Tāmaki Makaurau
  • Waikato/Te Waiariki
  • Te Tai Hauāuru
  • Te Tai Rāwhiti
  • Te Whanganui-ā-Tara
  • Te Waipounamu

I te whiringa toa mō ngā tāne i te whakataetae Poitūkohu mō ngā Kura Tuarua o Aotearoa i tū ki Te Papaiōea, i wikitōria a Rangitoto i te whiringa toa i te mēneti whakamutunga, ki te kapa nō te haukainga, ki a Palmerston North Boys' High School, kia kapo i te whiringa toa mō te tau 2016.

Ko rātou ngā kaiwikitōria mō te tau tuarua karapīpiri, i wikitōria i te otinga, he waru tekau mā rua ki te waru tekau. Kaore i hinga te kapa toa o ngā tau 2015/2016 i tēnei wiki, otira he whakataetae pai ake tēnei mo te kapa i tae tuarua mai, i tae rātou ki te turanga tekau mā tahi i tēra tau. Ko te kaitākaro toa o te whiringa toa, ko Samuel Waardenburg nō te Kāreti o Rangitoto.

Ki te whiringa toa mō ngā kōtiro, ko ngā toa o tēra tau i wikitōria hoki i tēnei tau. Ko St Peter's Cambridge i turaki ia Mt Albert Grammar i te whiringa toa, he ono tekau mā waru ki te rima tekau mā toru. Ko tētahi o ngā kaitākaro toa o te tukinga, ko tētahi kaitākaro rangatahi rawa o te whakataetae, ko Charlisse Leger-Walker, he tauira kei te tau tekau noaiho.

He rangatahi rawa te kapa katoa o ngā toa o tēnei tau, me te whakaaro o te iwi, ka haere tonu, ka wikitōria tonu ai rātou hei ngā tau tītoki. Ko te toa o te whiringa toa, ko Leger-Walker.