I tae te tini me te mano ki te whakataetae mo te ipu o te takutai o Takapuna

Aroha Treacher
  • Tāmaki Makaurau

E hia rau ngā kaihoe waka ama i whakaopeti atu ki te takutai o Takapuna i te rangi nei, mō te whakataetae waka-ama hoe tawhiti nui rawa o Aotearoa, ara ko te Ipu Takapuna.

Nā te taweke o Hinepükohurangi i te ata nei, i raru ai te tīmatanga o te whakataetae ipu Takapuna, nā reira, i tīnihia ai te ara rēhi. Heoi, kāre i whakapāhi te wairua o ngā kaihoe.

He toru tekau ngā tira no tāwahi i whai wāhi atu i tēnei tau, otirā, ko ētahi o rātou, ko ngā tira tautōhito o Te Moana nui a Kiwa.

Ko te rēhi hiranga, he wha tekau mā rua kiromita te roa.  He rēhi hei whakamātautau i te manawa tītī me te manawa piharau o ngā kaihoe.

E rua ngā wāhanga hōu kua whakaturia i te whakataetae mā ngā tāmariki me ngā tauhou.

Mārakerake te kitea, koina tētahi o ngā take kua whakapiki ake te rahi o ngā tāngata ki te tauwhāinga nei.