Ngā kaupapa: Sevens, Rugby

I tae atu ngā toa hiriwa orimipia ki Ruatoki

By Mere McLean

Kua tau ngā toa hiriwa orimipia a Michaela Blyde rātou ko Terina Te Tamaki ki te wharua o Ruatoki, ki reira hikitia ai ngā whetu maiangi whutupaoro. Na ō rāua hoa takaro i tautokohia rāua e Theresa Fitzpatrick rāua ko Stacey Waaka.

Kei te kite ā-tinana ēnei rangatahi ki ngā whetu o ngā rauponga mangu takiwhitu. 

Hei tā tētahi tauira o te kura, a Kohitu Mokomoko, “I tino hikaka kau ana te ngākau i taku rāngona i te hara mai rātou ki waenganui i a tātau.” 

E ai ki a Turuhira Tuhaka, he tauira anō o Te Wharekura o Ruatoki, “Nō mātou te marina nui kua tae mai ngā toa o te ao ki waenga i tō mātou whārua.”

Koinei te wā tuatahi kua tae mai a Michaela Blyde, Terina Te Tamaki me Theresa Fitzpatrick ki Ruatoki.  Engari mō Stacey Waaka nō Ngāi Tūhoe kua hoki mai ia ki te kainga. 

Ko te whāngai i te mātauranga ki o tātau rangatahi mō te whutupōro tokowhitu te whainga.

Ka mutu te hīkoitanga nui a ngā kaitākaro whutupōro wahine tokowhitu o Aotearoa āpōpō i te wā ka tae rātou ki te karapu whutupōro o Pirates ki Otepoti.