Kaupapa: Netball

I manahau te hoki atu o te kaikuru o Ekenasio k te hōpuni Rarauhe Hiriwa

Tamati Tiananga
  • Te Whanganui-ā-Tara

I manahau te hoki atu o te toa kaikuru Pulse o Ameliaranne Ekenasio ki ngā Rarauhe Hiriwa ka mutu, e rima wiki ki a rite ai ia mo te taumahekeheke Hoawhenua ki te Taikōura. Me te aha, ka whakaheke tōhau ia ki a puta tana ihu.         

He ringa tīrere a Ameliaranne Ekenasio, kua tae karangahia e te kaiako Rarauhe Hiriwa, e Janine Southby ki tana kapa.

Tekau mā rua katoa ana tākaro mo Aotearoa, heoi he taumata ano kia eke. I whakaheke werawerera ia ki te whakangungu Rarau Hiriwa i tenei wiki, he mea whakakaha i ōna pukenga tākaro   

I kōwhiria te kaitākaro rua tekau mā ono tau te pakeke hei hoa tākaro ki a Maria Folau rātou ko Te Paea Reo Selby-Rickit, ko Bailey Mes anō hoki. Kua tohua ia e ngā kai-kōwhiri ki mua i te kaitākaro Northern Stars ki a Maia Wilson.      

I te Whiringa-a-nuku i whakaingoatia a Ekenasio ki te kapa Fast5 o te tātāwhainga a ao.