Kaupapa: Waka Ama

I eke ngā kapa hourua nō Aotearoa ki Tahiti

Rahia Timutimu
  • Te Tai Tokerau
  • Tāmaki Makaurau
  • Waikato/Te Waiariki
  • Te Tai Hauāuru
  • Te Tai Rāwhiti
  • Te Whanganui-ā-Tara
  • Te Waipounamu
  • Ahitereiria

Ko ngā wāhine he ono tekau tau, neke atu, te pakeketanga te whiringa toa tuatahi mō ngā waka hourua, ā, e toru ngā kapa nō Aotearoa i tēnei whiringa toa.

I tutuki tā Ngā Kaihoe o Ngāti Rēhiia i manako ai, kia noho tonu ai tō rātou waka ki te takiwā o te kāhui matua. Te otinga atu, i tae tuatahi mai ai rātou.

Hei tā Hilda Harawira, “Inanahi i tino whawhai, engari ka mōhio i te rā nei ko a mātou tino hoariri no Hawaii, no reira, he tino ōrite ngā taima, nō reira ka mohio me piki ake te horo o ngā hoe mai i te haurua o te rehi, a kua mahi i tērā, kua toa, harikoa i te mea ko Hawaii ngā toa o mua.”

Me pēhea kē hoki e kore ai tēnei rēhi e uaua mō ēnei tama o raro iho i te tekau mā iwa tau, inā hoki, ko ētahi o ngā wā tere rawa atu o te whakataetae nei, nō tēnei reanga.

E toru nga kapa no Aotearoa i tēnei whiringa toa, I mua tonu a Daddy Heli’s nō Horouta  me ērā i matakitetia ka toa, te otinga ake, i mutu tuawhā mai ai rātou.

E rua ngā kapa wāhine nō Aotearoa, kotahi te kapa Māori nō Ahitereiria i te whiringa toa mō ngā Masters rima tekau tau te pakeke, piki ake.

A, ko Mooloolaba nō Ahitereiria i whakawhiwhia ki te mētara rauwhero

I te wai ngā mata e titiro ana, inā hoki, ko ngā kapa ika ā-Whiro ērā e oreore mai nā

Ko ngā ika ā-Whiro wāhine ērā i eke tuatahi ki te wai, he kapa nō Mareikua, nō Horouta waka hoe hoki i hau atu hei whakakanohitanga mō Aotearoa. Ka mutu, ko Horouta ngā toa ā-motu o te wā. Ko Horouta tērā i whakawhiwhia ki te mētara Hiriwa.

I pērā hoki ki te wāhanga tāne, e rua ngā kapa nō Aotearoa i tērā whiringa toa. Ko Tahiti ērā e waere ana i te huarahi mō te hunga i tae papatū atu, ā, tae rawa atu ki te otinga, ko Horouta te kapa toa nō Aotearoa i tēnei rēhi, i tae tuatoru mai ai rātou.

Hei āpōpō tū ai ngā rēhi tahi mano mita te tawhiti, me ngā pakanga waka takitahi.