I angitū te whakataetae kukume rīpene tuatahi

Rahia Timutimu
  • Tāmaki Makaurau

I angitū te tauwhainga kukume rīpene o Te Ao-O-Kiwa tuatahi i ēnei rangi whakangā, kō atu i te tahi mano ngā kaitākaro i whakataetae atu i te tauwhainga toru rā te roa. Kitea ai ngā tino kaitākaro o te whakataetae ki ngā wāhanga tekau mā waru tau me raro iho mā ngā tāne, mā ngā kapa hanumi hoki tērā.

Ko ētahi o ngā rangatahi toa mō te tākaro kukume rīpene, i mātakina rā e te mātinitini.

Kitea ai ngā kaitākaro waru tau te pakeke ki te tekau mā waru tau te pakeke, e tākaro ana i ngā kapa iwa tekau i whakakanohi i ō rātou whenua, arā, o ngā Kuki Airani, Whīti, Niue, Hāmoa, Tonga, Tokelau, Aotearoa me Ahitereiria.

I te wāhanga hanumi tekau mā waru tau me raro iho, ko Hāmoa tērā i wikitōria.

A ki taua reanga mō te hunga taitama, ko Aotearoa Māori tērā i eke.

Ko te mea nui o tēnei whakataetae, ko te kite i te tokomaha o te hunga poronēhia e takaro ana, he hākina i whakanui i tōna tau tekau e tākarohia ana e ngā kaitākaro nō Aotearoa.