I angitū Te Matau a Māui ki te whakataetae hoe waka

Aroha Treacher
  • Te Tai Rāwhiti

Kātahi te tāwhainga ko tēnei ki runga i te awa, ko tētahi o ngā karapu hoe waka tawhito rawa ki tētahi o ngā karapu hoe waka taiohi.

He kotahi rau whā tekau ngā tau te pakeke o te karapu o Te Matau a Māui, he rua tekau mā iwa noa te pakeke o te karapu Aramoho nō Whanganui.  Heoi, tērā tērā, he tino hoariri ināianei.

Ko ngā whakahekeheke whero me kōwhai o Aramoho i kitea, e pakanga atu ana ki te mā me te pango o Te Matau a Māui.

Ko Te Matau a Māui tērā e pupuri tonu ana i te ipu o Te Matau a Māui, otirā horokukū ana te ringa kia hoatu ki tō rātou tino hoariri.

Ahakoa i tū pakari ai a Aramoho i te wai, i rangona te taikaha o Te Matau a Māui i ngā rēhi whakamutunga, i puta marika tō rātou ihu.

Ka mutu, kua pupuri Te Matau a Māui i taua ipu mai i te tau rua mano mā whitu, ā, e puritia tonutia ana i tēnei tau.