Hei āpōpō whakarewa ai te kiriata "Chasing Great"

  • Tāmaki Makaurau

E mokepuihi haere ana te māeko huia Ōpango a Richie McCaw i a ia anō i te tirohanga tūmatawhānui whai muri i te whakamānutanga ōkawa mai o tōna kiriata, o Chasing Great ināpō i Tāmaki Makaurau.

Kua tekau mā rima tēnei o ngā kōtuku rerenga tahi Ōpango nei e matatū ana i te taumata, he mea whakawātea te kiriata nei e toro atu ana ki ngā whare pikitia huri noa te motu āpōpō.

Nā ngā raukura e toru i te rangi ia i pōhiri Māori mai kia kite mai ai ia i tōna tohu huia.

Inā rā hoki te whakarewatanga ōkawa ā ao o te kiriata Chasing Great i te pokapū o Tāmaki Makaurau ināpō. E rua mano ngā tāngata rārangi Ā o te motu i pōī mai ki te whare tapere o Civic. Me te aha, kotahi noa iho te whetū i te rangi.

Kotahi rau mā rima mīneti te roa o te kiriata. He mea pakipūmeka noa i te haerenga Ōpango kia toa karapipiti ai rātou i ngā ipu whutupōro o te ao rua mano tekau mā tahi, tekau mā rima anō. Ko McCaw te tangata anahe kia hiki i a Wīremu e rua ngā wā.

Nō tōna tākaro Ōpango tuatahi rua mano mā tahi, nānā i āta napinapi i tētahi whakareanga Ōpango Māori ki te taumata o te ao. Heoi, he ruku hohonu tonu anō tā te kiriata

Hei āpōpō kura mahorahora atu ai te kiriata nei ki ngā whare pikita o te motu, hei tirohanga mā te tūmatanui.