Kaupapa: Māori Sports Awards

He Wynyard anō e whai ana i ngā tapuwae o ōna mātua

He Wynyard anō e mahuta ake ana i te ao hākinakina.

Ko Tai Wynyard tērā, te tama a te kaitua rākau toa o te ao, a Jason Wynyard, engari he hākinakina kē atu tā tēnei taitama Māori e whai ana.

Tekau mā rima tau tōna pakeke, e ono pūtu, waru īnihi tōna tāroaroa, koia tērā ko Tai Wynyard, he kaitākaro poitūkohu i te kura whakawhanake o te karapu Breakers.

Ko Tai te tama a te tokorua rongonui o te ao tope rakau a Jason rāua ko Karmyn Wynyard, nā reira, aua atu i te ira tipua he nui ngā takoha a ōna mātua ki te uri tāroaroa nei. 

Ā, e tino tautoko ana hoki te karapu Breakers i tēnei mahuri tōtara hei whetū maiangi mō āpōpō.

Heoi, e whai ana hoki tētahi wānanga o Hawai'i i a Tai, nō reira, tērā ētahi whakatau nui māna kei mua i te aroaro.

Tūturu, me āta mātakitaki a Tai hei ngā tau tata nei, i te mea kāore e roa ka rongonui anō tētahi Wynyard i te ao hākinakina.