Kaupapa: Rugby League

He wikitōria tonu mā te kapa Warriors hakoa te taikaha o ngā Mako

Wikitōria Day

I te tukinga Rīki i waenga i ngā Tamatoa o Aotearoa me ngā Mako o Cronulla, i tū ki te papatakaro o Rarotonga, he uaua te haere engari, he wikitōria te otinga ki ngā Tamatoa 16 ki te 12.

Mō ngā tukinga e rima ki muri, i waenga i enei kapa, ko ngā Mako i tū toa, ahakoa te tetē o ngā niho a ngā Mako, kihai ngā Tamatoa i hīkoi pāpaka nei, atu ki te wehengarua, ko ngā Tamatoa 16 ko ngā Mako, e ono.

Nā te wharatanga o te pouwaenga a Dane Nielsen me te parirau a Tui Lolohea, ka eke atu ko ngā pīkiwhara a Simon Mannering me Ben Henry hei kairiiwhiri i waenganui. Heoi i noho 16 tonu ngā kaute a ngā Tamatoa hei te otinga o te kēmu.

Otirā, hei tā te kaiako o te kapa Tamatoa a Andrew McFadden, "ahakoa te ngoikore i ētahi wāhi o te kēmu, he wikitōria te wikitōria, he rua māka te rua māka, anā, i tēnei wā o te whakataetae, no matou te waimaria."

Kua kake ngā Tamatoa ki te tūranga tuaono o te whakataetae, e 26 a ratou kaute, hei te Rātapu e heke mai nei ka whakawhiti atu ngā Tamatoa ki te Whare Aruaru o Hunter Stadium, ki reira tuki ai ki ngā Knights o Newcastle, me te mea nei e whakapono ana te kaiako a McFadden ka hoki mai a Shaun Johnson ki te kapa a tērā wiki.