He wikitōria nui mā Tiny

Tamati Tiananga
  • Waikato/Te Waiariki

He kaiwhakatangi puoro waiata rongonui a Cameron Murphy i te rohe o Te Waiariki, ko Tiny tōna ingoa kārangaranga. 

Kua roa nei ia e pākia ana e te mate mōmona, ā, kua tūkino nei i tōna hauora. 

Nā whai anō, kua huri atu a Tiny ki ngā mahi whakapakari tinana mekemeke, kia piki atu ia ki te ora.

Ko te urupare a Tiny, kia piki tōna ora i te mate mōmona ao ake i te wharanga ki tōna waewae, me te aha, he rima marama a ia e noho ngoikore ana, he mea whakararu i tōna hauora.

I mua he rua rau, waru tekau mā whitu kirokaramu te taumahatanga o Tiny, nā ngā mahi whakapakari tinana mekemeke i ngahoro mai he tekau kirokaramu, ko tana wawata kia heke ia ki te kotahi rau, whā tekau kirokaramu a tōna wā.

Nā ēnei auhekenga ōna e koke whakamua ana a Tiny, i whai whakaaro nui a ia ki te puta ki te rīngi me te tū hoariri atu ki te kaiwaiata matua nei a Paul Northover nō te rōpū Tasty Brown, ā, nō Tiny te wikitōria.

E whakahaere ana a Tiny rātou ko ōna hoa tata he momo tauwhāinga whakaheke tōtā, he tekau mā rua wiki te roa, hei mea toro ki te hunga mōmona e hiakai mai ana ki te whakapau werawera.