He wikitōria nui mā te kapa haupoi retireti Māori

  • Waikato/Te Waiariki

Nō te rā nei tau iho ai te kapa haupoi retireti Māori ki te tarawaha retireti mō te wā tuatahi, ki te taiwhanga HIHC i Kirikiriroa. I turakina e rātou te kapa All Stars o Aotearoa, e waru ngā piro ki te rima. I kapo i a Te Aorere Pewhairangi ngā nekehanga, o te wā.

He mea me uaua e kitea ai, tēnei te haka i runga wīra.  Heoi te āhua nei i āwhina tēnei i te kapa Māori, nā te kāpene, nā Lewis Taiapa te piro tuatahi.  Ko tōna taina ko Lee Taiapa White i whai atu.

I hiahia hoki te tama iwi kāinga a Aaron te kapo ika.  E rua tekau hekona e toe ana i te haurua tuatahi, i kapo piro a Adam Soffer mō te kapa NZ All Stars.

E rima hekona e toe ana i papā ano te whaititiri.  I te haurua tuarua i tauutuutu ngā pironga.  E rima ki te rima ngā tatau heoi e rua karapīpiti ngā pironga a te kapa Māori, nā Ritchie Hopkinson rāua ko Eythan Prendergast.

Nā tēnei i tāpuihia e te kapa whetū tā rātau kaitieki piro, heoi auare ake ko te kapa Māori i puta toa mai 8-5.